ჩვენ ვქმნით

ჩვენ ვქმნით ხელსაწყოებს, ვიზუალიზაციებს და მონაცემებს, რომელიც გვიამბობს ამბებს, გავლენას ახდენს საზოგადოებაზე და უბიძგებს მათ მოქმედებისა და ჩართულობისკენ. 

საზოგადოების ჩართულობა არ გულისხმობს მხოლოდ კარგი ვებ-გვერდებისა და გრაფიკული გამოსახულებების აგებას.  ჩვენ ვქმნით ხელსაწყოებს, რომლებიც მონაცემებს გარდაქმნის მედია საშუალებად, რომელიც ეფექტურად აწვდის საზოგადოებას ჩვენს გზავნილებს და ემსახურება რეალური პრობლემების გადაჭრას. იქნება ეს ინფოგრაფიკები, ინტერაქტიული ვებ-აპლიკაციები, ვიდეო თუ მულტიმედიური ამბების თხრობა, ხელსაწყომ ორგანიზაციებს გზავნილების საზოგადოებისთვის სწორად მიწოდების საშუალება უნდა მისცეს.

ჩვენი დასრულებული პროექტები მოიცავს:

05 აპრილი 2016

პოლიტიკა რიცხვებში: ახალი მონაცემთა პორტალი საქართველოში პარტიების ფინანსების შესახებ

ვინაიდან 2016 წელი საქართველოში საარჩევნო წელია, ვიფიქრეთ, რომ მნიშვნელოვანია, ქართველი ამომრჩევლებისთვის პოლიტიკური პარტიების ფინანსებზე მონაცემები გამჭვირვალე და ხელმისაწვდომი გავხადოთ. როგორც აშშ სახელმწიფო დეპარტამენტის გაცვლითი პროგრამის კურსდამთავრებულს, შემეძლო, დაფინანსება მომეპოვებინა ჩემთვის საინტერესო პროექტისთვის Digital Communication Network-ის პროგრამის კურსდამთავრებულთათვის გამოყოფილი საგრანტო დაფინანსებიდან.


29 თებერვალი 2016

50 ქალის ბრძოლა ცვლილებებისთვის: ამბავი, რომელიც გრძელდება

გასული წლის მიწურულს ჯამპსტარტს ჰაინრიჰ ბიოლის ფონდის სამხრეთ კავკასიის რეგიონული ბიუროს თანამშრომლები ესტუმრნენ. ეთუნას, ფონდის გენდერული პროგრამის კოორდინატორს, და მის კოლეგას, თამუნას, რომლებიც ბიოლის ფონდში გენდერული დემოკრატიის მიმართულებაზე მუშაობენ, სურდათ, ყველასთვის მოეთხროთ თავიანთი ერთერთი პროექტის წარმატების შესახებ, რომელიც ეხება 50 ქალის ცხოვრებასა და მოღვაწეობას საქართველოში. 


19 თებერვალი 2016

ჯამპსტარტის ვალენტინობის დღის ბარათები

ჯამპსტარტი ყოველთვის სერიოზული და მონაცემებში ჩაფლული როდია ... ალბათ შენიშნეთ გასულ კვირას ვალენტინობის დღისადმი მიძღვნილი სახალისო ბარათები. ჩვენმა გუნდმა გადაწვიტა, შესვენება აეღო საქმისგან და  ვალენტინობის დღისთვის ნამდვილი ქართული მილოცვები მოეფიქრებინა. მისალოცი ბარათების დიზაინი კი ჩვენმა ილუსტრატორმა, ია ნინოშვილმა, შექმნა. 


08 მაისი 2015

გენდერული სახელფასო სხვაობის თამაში საერთაშორისო კონკურსის ფინალისტთა შორისაა

ჯამპსტარტის 'გენდერული სახელფასო ცვლილების თამაშიმონაცემთა ჟურნალისტიკის 2015 წლის კონკურსის  ფინალისტთა შორის მოხვდა.  500 ნამუშევარს შორის, რედაქტორთა გლობალურმა ქსელმა (GEN)  78 გამორჩეული ვიზუალიზაცია შეარჩია. მომავალი 6 კვირის განმავლობაში, მონაცემთა ჟურნალისტიკის ექსპერტებისგან შემდგარი ჟიური 10 გამარჯვებულს გამოავლენს, თითოს - 10 სხვადასხვა კატეგორიაში.


02 მაისი 2014

ხელსაწყოების შექმნა მნიშვნელოვანი ამბების გადმოსაცემად

ჩვენი თანამშრომლობის პროცესში საქველმოქმედო ჰუმანიტარულ ცენტრ "აფხაზეთთან", რომელიც საქართველოს კონფლიქტების შედეგად იძულებით გადაადგილებულ პირთა ცხოვრების გაუმჯობესებაზე მუშაობს, მივხვდით, რომ საჭირო იყო, ამბის თხრობის განსხვავებული მეთოდი გვეცადა. აქამდე ჩვენ, ძირითადად, მონაცემებზე ვმუშაობდით და სოციალური თემატიკის მონაცემებზე დაყრდნობით ვქმნიდით მეტწილად სტატიკურ ვიზუალიზაციებს. კარგი დიზაინით შექმნილი გრაფიკების გამოყენებით, რომლებიც კომპლექსურ ინფორმაციას მარტივად გადმოსცემდა, ჩვენ კომპლექსური ამბები ხელმისაწვდომი გავხადეთ ფართო აუდიტორიისთვის. თუმცა, ამ კონკრეტულ შემთხვევაში, ჩავთვალეთ, რომ საჭირო იყო, ამბავი გაგვეხადა უფრო ადამიანური. ჩვენ მისთვის უნდა მიგვეცა სახე.


გვერდები

არასამთავრობო ორგანიზაციებს: ჯამპსტარტ ჯორჯია თქვენს გზავნილს ვიზუალურად გამოსახავს!

ჯამპსტარტ ჯორჯია ეძებს პარტნიორ საზოგადოებრივ და არასამთავრობო ორგანიზაციებს, რომლებთანაც ითანამშრომლებს მომავალი 12 თვის განმავლობაში. ჩვენი ახალი პროექტის „მონაცემთა ვიზუალიზაცია ადვოკატირებისთვის" ფარგლებში, ჩვენ დავეხმარებით ორგანიზაციებს, მონაცემებისა და ვიზუალიზაციების გამოყენებით, გააუმჯობესონ თავიანთი ადვოკატირების კამპანიები.

  • 13/12/2013 - 15:00 to 15/01/2014 - 18:00

ჯამპსტარტ ჯორჯია ეძებს დეველოპერს!

ჯამპსტარტ ჯორჯია აცხადებს ვაკანსიას დეველოპერის  პოზიციაზე (სრული განაკვეთით).

თუ გსურთ, გახდეთ ჩვენი გუნდის წევრი, ნახეთ სამუშაოს აღწერა და ვაკანსიის აპლიკაცია აქ. 

განცხადებების მიღების ბოლო ვადაა 2013 წლის 31 დეკემბერი. 

 

 

  • 04/12/2013 - 14:00 to 31/12/2013 - 18:00

ჯამპსტარტ ჯორჯია განიხილავს მონაცემთა ვიზუალიზაციას და სამოქალაქო ჩართულობას საერთაშორისო ანტი-კორუფციული დღისთვის

ორშაბათს, 9 დეკემბერს,  საერთაშორისო ანტი-კორუფციულ დღეს ჯამპსტარტ ჯორჯია შეუერთდება საერთაშორისო გამჭვირვალობა - საქართველოს Holiday Inn-ში და განიხილავს, როგორ შეუძლიათ ორგანიზაციებს, ეფექტურად გამოიყენონ ვიზუალიზაციები კომპლექსური მონაცემების საზოგადოებისთვის მისაწოდებლად და მათი ჩართულობის გასაზრდელად. მობრძანდით და ჩაერთეთ საინტერესო დისკუსიაში! 

 

 

  • 09/12/2013 - 15:00 to 18:00